Tlawmngaihna tiin Zoram tlang tluanah kan sawi huai huai thin a, kan chhuang a, Mizo nih tinuamtu niin kan ngai a, Mizo bik hliah hliahin kan hre bawk a, dik pawh a dik ngei a. Mahse hnam dang laka kan chhuan em em thin leh kan thlahtu, kan pipute nun hlui kan sawi chang a mawi kan tih em em thin tlawmngaihna hi thangtharte nunah hian a parchhuak zo ta nange a tih theih hial ta mai.
Tun lai kan khawsak phung leh khawtlang nunah hian tlawmngaihna hi a tlahniam ta em em a, kawng tlemteah chauh tlawmngaihna tia sawi theih tur a ni ta. Chhiat tawk an awm nikhuaa kan inpui tawn tih loh hi chu tlawmngaihna hmel a lang ta mang lo. Chhiat ni a kan inpuih dan pawh hi a mawi zawnga tilui hram hram leh dan ang deuha ngaia ti ve hram hram, mi hmuha hmel mawi tumna lek a ang ta hle mai. Kan thinlungah tlawmngaihna hian hmun a chang tlem ta tial tial em ni le? Tu mawh nge ni ta ang le? Y.M.A nge, nu leh pa nge, mimal mawhphurhna tih hi zawhna pawimawh tak a ni ta.
Ram changkang zel leh hmasawn zelin a ken tel ve tlat avangin mitin mahni hna theuhah kan tul em em tawh a, thlan laih, khawhar in riah leh mitthi lumen thlengin kan hman ta lo nge kan ngaihdan a phir ta zawk? Mizo kan niha kan tlawmngaihna avanga kan tih thin kha tunah chuan dan ang leh mi sawisel kan hlauh avangin kan tilui a, kan tlingtla ve hram hram a ni ta mai lo maw?
Tun hma kha chuan mitthi buhfai leh thing khawn kha nula hoin an tihtur rengah an ngai hmiah a, lungawi tak leh thatho takin, tirh leh sawm chawp pawh ngai lovin an ti mai thin a, a mawiin a zahawm a, Mizo nih a tinuam thin. Tunah erawh chuan a ni ta hauh lo mai, tirh chawp leh hrilh chawp loh chuan mahni thu a tih nachang hria kan vang ta hle mai (Aizawlah bik). Hreh ngawih ngawih hmel pu leh phun phun chungte’n kan intir chhuak thei ta tawk a, a hrilhtu hnena “ka peih lo” tia lo chhang tawk lah bo lo. Mi ngaihah anmahni an mualpho mai bakah an nu leh pate thlengin an timualpho a ni.
Heng zawng zawngah hian tu nge mawh phur ta ang le? Thenawmpa emaw Bialtu MLA emaw Chief Minister emaw mawhphurhna chu a ni thei hauh lovang. Nu leh pate hian kan fate hi tlawmngai turin kan zirtir miah lo nge kan hrilh a an zawm duh lo zawk? Kan fate’n khawtlanga an mawhphurhna neih ve ang ang te pawh an tihhlawhtlin duh loh hian kan zak ve tho nge zak miah lo zawk? Kan faten engmah an tih ve loh hian kan lawm zawk nge zah nachang kan hre lo? Chhiat ni that niah engmah ka tih ngai loh hian ka uang zawk nge ka zak ve tho? Mahni mawhphurhna hre lo leh hlen zo lo ka nih hian eng dinhmunah nge ka din? Mizo nun aia hnam dang nun ka ngaihsan avang hian hma ka sawn phah em? Hnam dang kan nih phah chuang em ni? Mahni hnam zia leh nun mawi chawisanga humhalh thiam apiang hi hnam ropui an ni zawk lo maw? Lo ngaihtuah ve teh!!
Wednesday, September 22, 2010
KA TAN VAWIKHAT
KA TAN VAWIKHAT - Hruaia Chhangte,2009 kk
Ami a'n rianghlei hluan sakruang hi,
Hnutiang chhawnin khartung sawn zai rel lul suh aw;
Ka kiangah chham ang zal leh la,
Biahhu di hlan leh ka nuam e.
Aw! khuangruahpui sur hian i sakhming leh anka min hlan a,
Nghilh ni awm lo'ng,a thar reng thinlaiah.
I chhingmittui hawk tui ang luang ve se'ng aw,a riang vang hian,
Chu ngei chu ka tan kohna rimawi ni mai teh se la aw!.
Puan ang hnawlin hnutiang sul ang chhawn lul suh Parte,
Nung tura damchhan beisei mei ang mih loh nan;
I lamtluang chhuiin hma mi hruai tir la,
Lung damte'n i kianga leng tura lam ang let ka thiam theih nan,
I lungdum ka dil thiam lo, ka tan vawikhat ka hringnunan.
Nau ang nuih hmel mawi leh duhawm chuan
Chhingmittui far chu hliah chuang lo se'ng,
A ngur nun leh rosum aia hlu leh mawi zawk
Ka tan pialral i sakruang leh kimtlang;
Par chhuang thei lo hmangaihna dik
Thlir an nuam lo ka lenrualte'n
Tunge mitin tana duhthusam ram chu nei reng le?
Tunge angkhat thil pek mitin tan hlan thei awm ngai?
Chhuan khat a ral a, hun sul ang a liam a,
Vaupui vulin kumpui sul ang her changin,
Ka chham lo'ng chhan leh vang;
Chhuanlam ka zawng lo, chhuanchham ka tan tahna
Tawp lo hringnun lamtluang chhui zelin
Hringnun thlipui hrangvung chuan sul ang min zui a,
Luipui fintu luite tui luang dem dem ang hian
I hringnun chuan a zawh lamtluang a chhui zel ang a,
Khuarei chul hnu nunhlui hril changin
Hliam hnu hmangaihtu thinlung chu
Hmaih tawh bik hian ka ring lo che.
Ami a'n rianghlei hluan sakruang hi,
Hnutiang chhawnin khartung sawn zai rel lul suh aw;
Ka kiangah chham ang zal leh la,
Biahhu di hlan leh ka nuam e.
Aw! khuangruahpui sur hian i sakhming leh anka min hlan a,
Nghilh ni awm lo'ng,a thar reng thinlaiah.
I chhingmittui hawk tui ang luang ve se'ng aw,a riang vang hian,
Chu ngei chu ka tan kohna rimawi ni mai teh se la aw!.
Puan ang hnawlin hnutiang sul ang chhawn lul suh Parte,
Nung tura damchhan beisei mei ang mih loh nan;
I lamtluang chhuiin hma mi hruai tir la,
Lung damte'n i kianga leng tura lam ang let ka thiam theih nan,
I lungdum ka dil thiam lo, ka tan vawikhat ka hringnunan.
Nau ang nuih hmel mawi leh duhawm chuan
Chhingmittui far chu hliah chuang lo se'ng,
A ngur nun leh rosum aia hlu leh mawi zawk
Ka tan pialral i sakruang leh kimtlang;
Par chhuang thei lo hmangaihna dik
Thlir an nuam lo ka lenrualte'n
Tunge mitin tana duhthusam ram chu nei reng le?
Tunge angkhat thil pek mitin tan hlan thei awm ngai?
Chhuan khat a ral a, hun sul ang a liam a,
Vaupui vulin kumpui sul ang her changin,
Ka chham lo'ng chhan leh vang;
Chhuanlam ka zawng lo, chhuanchham ka tan tahna
Tawp lo hringnun lamtluang chhui zelin
Hringnun thlipui hrangvung chuan sul ang min zui a,
Luipui fintu luite tui luang dem dem ang hian
I hringnun chuan a zawh lamtluang a chhui zel ang a,
Khuarei chul hnu nunhlui hril changin
Hliam hnu hmangaihtu thinlung chu
Hmaih tawh bik hian ka ring lo che.
KA TAH KHUA SEI TUR
KA TAH KHUA SEI TUR - Hruaia Chhangte, 3rd March 2004,Lpt
1. Sulhnu hmun hlui nghakin zawl khaw tlang nuamah,
Mahte’n di tawng lo val ar ang ka vai,
Zaleng zawng chu e chhailaidi tanga’n,
Ning lote’n par ang an lawm, chhawrthlapui khi,
Kei zawng tah hluan zai sain kan run riangah,
Sih nau ang tlei zai ka rel thei lo.
2. Siamtu khuarel ka tan tuar a har ngei e,
Thinlaiah nghilh ni reng i awm thei si lo,
Hliappui run chul hnu fan chang ni hian,
Ka thlir ngam lo lungrualtea kan lenna,
Kum pui sul ang her zel ka dawn sei ngam lo,
Chhingmit hawktui ang lo lian e.
3. Thlang tlai zamual pui tam her mah se
Tham ral lo, i sakhmel ka di parte,
Chhuak leh la turnipui, lenkawlah,
Lungrual lai ni kawla liam tawh hnu kha,
Her chhuak leh se aw! theih chang si lo maw?
Nang ngaih lai puan ang bang i maw?
4. Nang zawng e hlimte’n rihsang mualah,
Lalnunnema kiangah siang i lawi ta e,
Kei zawng sulhnu hmun hlui nghak, ka riang em mai !
Ka thlir ngam lo ni chhun zalam phei khanthuam,
Lungchimtea par ang kan vulna,
Tawn chang ni hian, parte, aw ! ka riang vawng vawng.
5. I dawn ve lo’m ni ka tah khua sei tur,
Ka dawn khawlin lung reng a awi thei lo,
Aw, theih se sul ang zuiin i lenna tlang
Chuan ve ka nuam ni rei cham turin,
Theih si lo maw hringchan pialleiah
Tawn leh ni nghakin khuavel ka hrut ta’nge.
(I dedicated this poetry to Francise Lallawmawma of Ramthar veng, Aizawl)
1. Sulhnu hmun hlui nghakin zawl khaw tlang nuamah,
Mahte’n di tawng lo val ar ang ka vai,
Zaleng zawng chu e chhailaidi tanga’n,
Ning lote’n par ang an lawm, chhawrthlapui khi,
Kei zawng tah hluan zai sain kan run riangah,
Sih nau ang tlei zai ka rel thei lo.
2. Siamtu khuarel ka tan tuar a har ngei e,
Thinlaiah nghilh ni reng i awm thei si lo,
Hliappui run chul hnu fan chang ni hian,
Ka thlir ngam lo lungrualtea kan lenna,
Kum pui sul ang her zel ka dawn sei ngam lo,
Chhingmit hawktui ang lo lian e.
3. Thlang tlai zamual pui tam her mah se
Tham ral lo, i sakhmel ka di parte,
Chhuak leh la turnipui, lenkawlah,
Lungrual lai ni kawla liam tawh hnu kha,
Her chhuak leh se aw! theih chang si lo maw?
Nang ngaih lai puan ang bang i maw?
4. Nang zawng e hlimte’n rihsang mualah,
Lalnunnema kiangah siang i lawi ta e,
Kei zawng sulhnu hmun hlui nghak, ka riang em mai !
Ka thlir ngam lo ni chhun zalam phei khanthuam,
Lungchimtea par ang kan vulna,
Tawn chang ni hian, parte, aw ! ka riang vawng vawng.
5. I dawn ve lo’m ni ka tah khua sei tur,
Ka dawn khawlin lung reng a awi thei lo,
Aw, theih se sul ang zuiin i lenna tlang
Chuan ve ka nuam ni rei cham turin,
Theih si lo maw hringchan pialleiah
Tawn leh ni nghakin khuavel ka hrut ta’nge.
(I dedicated this poetry to Francise Lallawmawma of Ramthar veng, Aizawl)
KHAR LAI MIN DAN
KHAR LAI MIN DAN - Hruaia Chhangte,Lpt.
Zoram Bungpui a her tliak ta,
Thiam zir hliappui run sang kai a,
Ziakfung kawltu chawi lai reng a,
Sakhming chawi lai bang lo,
Mi hrang val, Do tin Khumtu,
Thlafam leng zawngte tuanna runpuiah,
Khartung sawn lai a rel an ti.
A thaikawi ziah tial zawng leh
A tuahrem thu, kei ka lung muantu;
Lelte ang kiu tawh lo maw khua lianah,
Awm lai lengin maw khar lai min dan,
Ka phal thei lo anka chhawn lo va
Khuavel than lai sar ang a zam ral tur hi.
Fam khaw lungrawn tuantlang I liam mai hian
Min run kim ngei zaleng naufa,
Kan la tiam lo Zofa leng zawng te,
Chun tello mualhawih naufa dungthulin,
Nang ngaih lai reng kan bang thei lo;
Zoram khuavel a dam chhung chuan,
Thinlaiah cham zel la vul reng rawh.
Zoram Bungpui a her tliak ta,
Thiam zir hliappui run sang kai a,
Ziakfung kawltu chawi lai reng a,
Sakhming chawi lai bang lo,
Mi hrang val, Do tin Khumtu,
Thlafam leng zawngte tuanna runpuiah,
Khartung sawn lai a rel an ti.
A thaikawi ziah tial zawng leh
A tuahrem thu, kei ka lung muantu;
Lelte ang kiu tawh lo maw khua lianah,
Awm lai lengin maw khar lai min dan,
Ka phal thei lo anka chhawn lo va
Khuavel than lai sar ang a zam ral tur hi.
Fam khaw lungrawn tuantlang I liam mai hian
Min run kim ngei zaleng naufa,
Kan la tiam lo Zofa leng zawng te,
Chun tello mualhawih naufa dungthulin,
Nang ngaih lai reng kan bang thei lo;
Zoram khuavel a dam chhung chuan,
Thinlaiah cham zel la vul reng rawh.
Duhthlanna
DUHTHLANNA - Hruaia Chhangte, 25th July,2007, 1:30 A.M
Ka zawt lova, mi chhang hek lo,
Kum sul tam beiseina a chuai ngai lova,
Leng dang tan ka phal loh kha,
Thliah hnu chhawl ang a uai em ni?
Tiin zawtin ka tir ngam lova,
Ka tan palai a hnar ngai chuang em ni?
Tawn changin tui ang nem thinlung hi
Tlawm makah a na leh si.
Ka huang chhungah thlahthlam a hlawh a,
Ban phak lohah ka tan a vul mawi thin.
Bum hmang thinlung hi hlauin a khur a,
Mi huai te chu ka thik leh thin.
A kiangah chuan tuk chhuak te hian
Mawina lal tiang an keng thin a,
Chung turni pawh ropuina puan var nen
Sen lai nau ang kan lawm thin a.
Zan thim leh chung chhawrthlapui paw’n
Zai mawi an rem, ngur ngai lo rengin,
Biahthu di thlun nan a riang ka tlai lua maw?
A chhing zo awm hian ka ring si lo,
Hmangaihna a luang hmun lo kan tawnah,
I tan leh ka tan ni thar ang an chhuak,
Lei ni kin hmain Mangtha tal chhawn thei maw?
Vanduai ruahbing ka tawnah a sur bang thei lo,
Kum sul tam malin ka tuar thin.
Ka chun leh zua lah kar hla danah an leng si.
Tumah rengin ka chan min dawn pui ngai lo,
Nang vangin nitin thlan thim chhungah
Ka rahpelh phurrit a zual zel si mi u.
Ka tumna ve chuan min hlat tir a,
Ka hriatthiamna chuan kawng dik lo min hmuh a,
Lamtluang dik lo nitin ka chhui a,
Ka zawh tumkawng apiang hlohna zel maw!
Chhuanlam siamin ka rilru a vakvai a,
Nitin rumin a vak ruai thin.
Hliam tuarin ka rilru pawh a mang zo ta,
Ka thlan khawhar pawh keima laih ngei maw!
Duhthlanna diklo vangin englai pawhin thahin ka awm ta !
Ka zawt lova, mi chhang hek lo,
Kum sul tam beiseina a chuai ngai lova,
Leng dang tan ka phal loh kha,
Thliah hnu chhawl ang a uai em ni?
Tiin zawtin ka tir ngam lova,
Ka tan palai a hnar ngai chuang em ni?
Tawn changin tui ang nem thinlung hi
Tlawm makah a na leh si.
Ka huang chhungah thlahthlam a hlawh a,
Ban phak lohah ka tan a vul mawi thin.
Bum hmang thinlung hi hlauin a khur a,
Mi huai te chu ka thik leh thin.
A kiangah chuan tuk chhuak te hian
Mawina lal tiang an keng thin a,
Chung turni pawh ropuina puan var nen
Sen lai nau ang kan lawm thin a.
Zan thim leh chung chhawrthlapui paw’n
Zai mawi an rem, ngur ngai lo rengin,
Biahthu di thlun nan a riang ka tlai lua maw?
A chhing zo awm hian ka ring si lo,
Hmangaihna a luang hmun lo kan tawnah,
I tan leh ka tan ni thar ang an chhuak,
Lei ni kin hmain Mangtha tal chhawn thei maw?
Vanduai ruahbing ka tawnah a sur bang thei lo,
Kum sul tam malin ka tuar thin.
Ka chun leh zua lah kar hla danah an leng si.
Tumah rengin ka chan min dawn pui ngai lo,
Nang vangin nitin thlan thim chhungah
Ka rahpelh phurrit a zual zel si mi u.
Ka tumna ve chuan min hlat tir a,
Ka hriatthiamna chuan kawng dik lo min hmuh a,
Lamtluang dik lo nitin ka chhui a,
Ka zawh tumkawng apiang hlohna zel maw!
Chhuanlam siamin ka rilru a vakvai a,
Nitin rumin a vak ruai thin.
Hliam tuarin ka rilru pawh a mang zo ta,
Ka thlan khawhar pawh keima laih ngei maw!
Duhthlanna diklo vangin englai pawhin thahin ka awm ta !
A hmangaih tawh lo
A HMANGAIH TAWH LO - Hruaia Chhangte, 29th June 2005,Lpt
1. Sul ang zui ni kum mah tam se,
Ânka nem tawng lo maw ! val rianga khan,
Zawl thu di thlun ni chhuak lo mah se,
Nghilh ni awm lo zan nunrawng kha,
Kumpui sul tam vei tawh hnuin,
A la hmangaih reng si a.
2. Muangte’n hun leh kum an ral a,
Ngaih lai puan ang bang thei si lo,
Hlimthla mawlin dar bang an mawi a,
Thinlung kehchhia a hnem si lo,
Zatlang rel thang tin a phur a,
A la hmangaih reng si a.
3. Nun hlui liam hnu a thar reng a,
Kumpui sul vei a muang leh si,
Lam ang let ni a nghakhlel a,
A tan ni leh thla a chhel leh si,
Dawhtheihna chu a dam chhan a,
A la hmangaih reng si a.
4. Aw ! kha vangpui sikni eng hnuaiah khan,
Tah lai kawlkung a liam zo ta,
Nghakhlel lungngai sakhmelah khan,
Luaithli nul sakhmel a hul zo ta,
Lawm hmel chu nuihin a khat a,
A tan khua reng a var tawh ang.
5. Laitual len zai rel lo mah se,
Zun phurh lai vai ang thamral ta,
Zan thim chuan a chhun eng a,
Lungngaih chhum a kiang zo ta,
Thinlung ngui kha a thlah liam a,
A hmangaih kha, a hmangaih tawh lo.
6. Aw chu thim leh eng intawh lai chuan.
Nunrawng hmeltha chuan a rawn bia a,
Ânka nem mai thlahlel thin khan,
Chhan zai reng a rel tawh lo,
Chhan let loh hmangaihna chhang letin,
A hmangaih kha, a hmangaih tawh lo.
1. Sul ang zui ni kum mah tam se,
Ânka nem tawng lo maw ! val rianga khan,
Zawl thu di thlun ni chhuak lo mah se,
Nghilh ni awm lo zan nunrawng kha,
Kumpui sul tam vei tawh hnuin,
A la hmangaih reng si a.
2. Muangte’n hun leh kum an ral a,
Ngaih lai puan ang bang thei si lo,
Hlimthla mawlin dar bang an mawi a,
Thinlung kehchhia a hnem si lo,
Zatlang rel thang tin a phur a,
A la hmangaih reng si a.
3. Nun hlui liam hnu a thar reng a,
Kumpui sul vei a muang leh si,
Lam ang let ni a nghakhlel a,
A tan ni leh thla a chhel leh si,
Dawhtheihna chu a dam chhan a,
A la hmangaih reng si a.
4. Aw ! kha vangpui sikni eng hnuaiah khan,
Tah lai kawlkung a liam zo ta,
Nghakhlel lungngai sakhmelah khan,
Luaithli nul sakhmel a hul zo ta,
Lawm hmel chu nuihin a khat a,
A tan khua reng a var tawh ang.
5. Laitual len zai rel lo mah se,
Zun phurh lai vai ang thamral ta,
Zan thim chuan a chhun eng a,
Lungngaih chhum a kiang zo ta,
Thinlung ngui kha a thlah liam a,
A hmangaih kha, a hmangaih tawh lo.
6. Aw chu thim leh eng intawh lai chuan.
Nunrawng hmeltha chuan a rawn bia a,
Ânka nem mai thlahlel thin khan,
Chhan zai reng a rel tawh lo,
Chhan let loh hmangaihna chhang letin,
A hmangaih kha, a hmangaih tawh lo.
Subscribe to:
Posts (Atom)